ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության նախագահ Արմեն Սարգսյանը հրամանագիր է ստորագրել «Քվանտ» վարժարանի ֆիզիկայի ամբիոնի վարիչ Մաելս Ազիզբեկյանին Անանիա Շիրակացու մեդալով պարգևատրելու մասին: «Արմենպրես»-ին այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից:

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի.
Անկախության տոնի առթիվ, կրթության բնագավառում ունեցած ավանդի համար «Քվանտ» վարժարանի ֆիզիկայի ամբիոնի վարիչ Մաելս Վաչագանի Ազիզբեկյանին պարգևատրել Անանիա Շիրակացու մեդալով»,- ասված է ՀՀ նախագահի հրամանագրում: