Սեպտեմբերի 20-ին սպասվող իրադարձությունները
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Պաշտոնական այցով Հայաստանում է Լիբանանի պաշտպանության նախարար Էլիաս Բու Սաաբը: Նա և ՀՀ պաշտպանության նախարար Դավիթ Տոնոյանը կհանդիպեն լրագրողների հետ:
ՀՀ նախագահի նստավայրում նախատեսված է պարգևատրման արարողություն:
Ազգային ժողովը կգումարի արտահերթ նիստ: Օրակարգում հարկային օրենսգրքում փոփոխություններ եւ լրացումներ կատարելու մասին օրենքի նախագիծն է:
ՀՀ անկախության տոնին ընդառաջ կբացվի Գագիկ Գասպարյանի հեղինակային ֆոտոցուցահանդեսը՝ «Հավերժի ճամփորդը. Հայաստան» խորագրով:
Հայաստանի ազգային գրադարանը տեսողական խնդիրներ ունեցող անձանց համար կազմակերպում է ընթերցումներ: Գրական ընթերցմանը կհաջորդի Հովհաննես Թումանյանի ստեղծագործությունների մասին զրույց-քննարկում:
Հայաստանի նկարիչների միությունում կբացվի գեղանկարիչ, պրոֆեսոր Արամ Իսաբեկյանի «Իրականության երազներ» խորագրով անհատական ցուցահանդեսը։
Լրագրողների հետ հանդիպմանը հունահռոմեական ոճի ըմբշամարտի Հայաստանի հավաքականի մարզիչները կամփոփեն աշխարհի առաջնության արդյունքները:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում