Արմավիրի մարզի Հայթաղ գյուղում երեք տան տանիքներ են այրվել
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը սեպտեմբերի 18-ին, ժամը 16:46-ին ահազանգ է ստացել, որ Արմավիրի մարզի Հայթաղ գյուղում այրվում են տների տանիքներ:
Դեպքի վայր են մեկնել ԱԻՆ փրկարար ծառայության Ճգնաժամային կառավարման ազգային կենտրոնի արտակարգ իրավիճակների արձագանքման խումբը և մարզային փրկարարական վարչության օպերատիվ խումբը, հրշեջ-փրկարարական ջոկատի չորս մարտական հաշվարկ:
Պարզվել է, որ այրվում են Հայթաղ գյուղի Մենուա փողոցի երկու տան տանիքներ:
Հրդեհը մեկուսացվել է ժամը 17:22-ին, մարվել՝ 17:57-ին:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, ամբողջությամբ այրվել են երկու տան տանիքները և մեկ այլ տան տանիք՝ մասամբ (ընդհանուր 700 քմ): Տուժածներ չկան:
Բաժանորդագրվեք մեր ալիքին Telegram-ում