Ժամանակը Երևանում՝ 11:07:36,   23 Հոկտեմբեր

Երկու օտարերկրացիները խոստովանել են խանութից 120 հազար դրամի հափշտակությունը

Երկու օտարերկրացիները խոստովանել են խանութից 120 հազար դրամի 
հափշտակությունը

ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ոստիկանության ծառայողները բերման են ենթարկել Գայի պողոտայի խանութներից մեկում 120 հազար դրամի հափշտակություն կատարած երկու իրանցիների։ Այս մասին «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից։

«Սեպտեմբերի 14-ին, ժամը 21-ի սահմաններում, ոստիկանության Նոր Նորքի բաժանում մի քաղաքացի հաղորդում էր տվել, որ մոտ մեկ ժամ առաջ Գայի պողոտայի խանութներից մեկում երկու օտարերկարցի ՀՀ դրամին ծանոթանալու պատրվակով մոտեցել են դրամարկղին, նրանցից մեկն ուսունասիրելու համար գումար է վերցրել և չարաշահելով վստահությունը` հափշտակել 120.000 դրամ:

Ոստիկանները լայնածավալ օպերատիվ-հետախուզական միջոցառումների արդյունքում պարզեցին, որ նշված հանցագործությունը կատարել են ԻԻՀ երկու քաղաքացի մեկը `52, մյուսը 39 տարեկան:

Սեպտեմբերի 16-ին, ժամը 17-ի սահմաններում, կասկածվողները Սիմոն Վրացյան փողոցում հայտնաբերվեցին և բերման ենթարկվեցին ոստիկանության Նոր Նորքի բաժին:

Նրանք խոստովանել են կատարածը:

Հանգամանքները պարզվում են:

Փաստի առթիվ նախապատրաստվում են նյութեր»,- նշված է հաղորդագրության մեջ:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ