Պուտինը Սաուդյան Արաբիայի գահաժառանգ արքայազնի հետ քննարկել Է գրոհը Saudi Aramco-ի վրա
15:20, 18 Սեպտեմբեր 2019
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը հեռախոսով Սաուդյան Արաբիայի գահաժառանգ արքայազն, պաշտպանության նախարար Մուհամեդ բեն Սալման ալ Սաուդի հետ քննարկել Է թագավորության նավթավերամշակման ձեռնարկությունների վրա գրոհի կապակցությամբ ստեղծված իրադրությունը: Այդ մասին, ինչպես տեղեկացնում Է «Արմենպրես»-ը, հայտնել Է Կրեմլի մամուլի ծառայությունը:
Նշվում Է, որ հեռախոսազրույցը տեղի Է ունեցել սաուդյան կողմի խնդրանքով:
«Քննարկվել Է Սաուդյան Արաբիայի նավթավերամշակման ձեռնարկությունների վրա գրոհի հետեւանքով ստեղծված իրադրությունը: Վլադիմիր Պուտինը մտահոգություն Է հայտնել այդ կապակցությամբ եւ արտահայտվել Է տեղի ունեցած մանրակրկիտ ու անաչառ հետաքննություն անցկացնելու օգտին»,-ասված Է հաղորդագրության մեջ:
Բաժանորդագրվեք մեր ալիքին Telegram-ում