Պաշտպանի աջակցությամբ քաղաքացու զինառայող որդու ատամնաշարի խնդիրները զորացրվելուց հետո լուծվել են
10:41, 18 Սեպտեմբեր 2019
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Քաղաքացի Ռզգան Ամոյանը դիմել է Մարդու իրավունքների պաշտպանին զինծառայող որդու ատամնաշարի խնդիրները լուծելուն աջակցելու համար։
Ինչպես «Արմենպրես»-ին հայտնեցին ՀՀ Մարդու իրավունքների պաշտպանի աշխատակազմի հանրային կապերի բաժնից, նրա բողոքի հիման վրա Մարդու իրավունքների պաշտպանը կայացրել է համապատասխան որոշում, համաձայն որի՝ պետությունը պետք է զինծառայողի ծառայության ընթացքում երաշխավորի բժշկական օգնություն, իսկ չստանալու դեպքում՝ բժշկական օգնությունը պետք է տրամադրվի զինծառայությունից հետո:
Մարդու իրավունքների պաշտպանի աջակցությամբ նրա զինծառայող որդու ատամնաշարի խնդիրները զորացրվելուց հետո ամբողջությամբ լուծվել են:
Բաժանորդագրվեք մեր ալիքին Telegram-ում