ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Էր Ռիադն ի վիճակի Է գլուխ հանել Saudi Aramco ընկերության ազգային նավթընկերության ձեռնարկությունների վրա վերջերս կատարված գրոհների հետեւանքներից, որոնք սպառնալիք են ոչ միայն երկրի տնտեսության, այլեւ ամբողջ համաշխարհային նավթաշուկայի համար: Այդ մասին, ինչպես հայտնել Է Մամուլի սաուդյան գործակալությունը, սեպտեմբերի 17-ին հայտարարել Է Սաուդյան Արաբիայի Սալման բեն Աբդել Ազիզ ալ Սաուդ թագավորը, տեղեկացնում Է «Արմենպրես»-ը:

«Սաուդյան Արաբիան բավարար ուժեր ունի՝ հաղթահարելու վերջերս իրականացված ագրեսիայի հետեւանքները, որի թիրախում ոչ միայն թագավորության տնտեսությունն Էր, այլեւ համաշխարհային նավթաշուկային եւ ամբողջ համաշխարհային տնտեսության կայունությանը վնաս հասցնելը»,-նշել Է Սաուդյան Արաբիայի միապետը: Սալման բեն Աբդել Ազիզ ալ Սաուդը նշել Է, որ թագավորությունն «իր հողը եւ երկրի կենսականորեն կարեւոր օբյեկտները կպաշտպանի բոլոր սպառնալիքներից, որտեղից Էլ որ դրանք լինեն», հաղորդել Է ՏԱՍՍ-ը: