Ժամանակը Երևանում՝ 11:07:36,   21 Հոկտեմբեր

«Հայաստանի Հանրապետություն» օրաթերթ. Ի՞նչ պայմաններում են պահվում դատապարտյալները

«Հայաստանի Հանրապետություն» օրաթերթ. Ի՞նչ պայմաններում են պահվում 
դատապարտյալները

ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: «Հայաստանի Հանրապետություն» օրաթերթը գրում է. Մարդու իրավունքների պաշտպան Արման Թաթոյանը, «ՀՀ»-ի հետ զրույցում խոսելով բանտարկված անձանց զբաղվածության, քրեակատարողական հիմնարկների խնդիրների մասին` ասել է, որ Հայաստանի քրեակատարողական  համակարգը դատապարտյալների համար աշխատանքի հնարավորություններ եւ ապրելու պատշաճ պայմաններ չի ապահովում: «Շատ դեպքեր ունենք, երբ ազատությունից զրկված անձը, պատիժը կրելուց հետո վերադառնալով հասարակություն` դժվարությամբ է ինտեգրվում: Այս ամենից զատ, Հայաստանի քրեակատարողական համակարգը դատապարտյալների հետ պատշաճ կերպով սոցիալ-հոգեբանական աշխատանքներ չի տանում. «Այնպես է ստացվում, որ դատապարտյալը օրվա մեծ մասն անցկացնում է խցում, եւ հետագայում պատրաստ չի լինում ազատ արձակման: Սակայն ստեղծված իրավիճակում մեղավորը ոչ թե նա  է, այլ պետությունը: Դրա հետեւանքով է, որ պայմանական վաղաժամկետ ազատման համակարգը արդյունավետ չի գործում»,- ասել է Մարդու իրավունքների պաշտպան Արման Թաթոյանը: Անդրադառնալով պատժի կրման վայրերի, շենք-շինությունների պայմանների բարելավման հարցին` Թաթոյանը նշել է, որ Նուբարաշենում պայմանները բացարձակ չեն համապատասխանում սահմանվող առաջադեմ պահանջներին»:

Նյութն ամբողջությամբ կարդացեք թերթի այսօրվա համարում




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ