Լավրովը Բոլթոնին շատ հաճելի զրուցակից Է համարել
17:04, 11 Սեպտեմբեր 2019
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Ազգային անվտանգության հարցերով ԱՄՆ-ի նախագահի խորհրդական Ջոն Բոլթոնը, որը պաշտոնաթող Է արվել, շատ հաճելի զրուցակից Է, սակայն Մոսկվան հարցերի մեծ մասի շուրջը նրա հետ չԷր համաձայնում ուժային մեթոդների վրա հենվելու նրա կտրուկ ոճի պատճառով: Այդ մասին, ինչպես հաղորդել Է ՌԻԱ Նովոստին, հայտարարել Է ՌԴ-ի արտգործնախարարության ղեկավար Սերգեյ Լավրովը, տեղեկացնում Է «Արմենպրես»-ը:
«Նա (Ջոն Բոլթոնը – խմբ.) շատ հաճելի զրուցակից Է, շատ գիտակ, բազահմուտ մարդ Է, եւ նրա հետ հետաքրքիր Է զրուցել: Ինչ վերաբերում Է նրա քաղաքական հայացքներին, ապա մենք նրա հետ հարցերի մեծամասնության շուրջը չԷինք համաձայնում. նա կտրուկ ոճ ունի, որ հենվում Է ուժային մեթոդների, այդ թվում՝ ռազմական ուժային մեթոդների վրա:
Ինչպես դուք գիտեք, նա առաջ Էր մղում ոչ քիչ նման կարգի նախաձեռնություններ նաեւ արդի ճգնաժամային իրադրությունների վերաբերյալ, լինի դա Վենեսուելան, Իրանը կամ եւս ինչ-որ տեղ», ասել Է Լավրովը՝ համապատասխան հարցին պատասխանելով Մոսկվայում կայացած մամուլի ասուլիսում:
Բաժանորդագրվեք մեր ալիքին Telegram-ում