Պուտինը սեպտեմբերի 12-ին Սոչիում բանակցություններ կվարի Նաթանյահուի հետ
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը սեպտեմբերի 12-ին Սոչիում բանակցություններ կանցկացնի Իսրայելի վարչապետ Բենիամին Նաթանյահուի հետ: Այդ մասին, ինչպես հաղորդել Է ՏԱՍՍ-ը, լրագրողներին հայտնել Է Ռուսաստանի նախագահի մամուլի քարտուղար Դմիտրի Պեսկովը, տեղեկացնում Է «Արմենպրես»-ը:
«Վաղը տեղի կունենա Իսրայելի վարչապետ Նաթանյահուի աշխատանքային այցը: Վաղը Սոչիում կկայանան ռուս-իսրայելական բանակցությունները, Պուտինը վաղը կլինի Սոչիում»,-ասել Է նա:
Սեպտեմբերի 10-ին հրեական պետության կառավարության ղեկավարի գրասենյակը հայտնել Էր, որ Նաթանյահուն պլանավորում Է սեպտեմբերի 12-ին մեկօրյա այցով ժամանել Սոչի: Իսրայելի վարչապետն իր կառավարության սեպտեմբերի 8-ի նիստում հայտարարել Էր, որ կարող Է շաբաթվա ընթացքում այցելել Ռուսաստան, որտեղ կցանկանար հանդիպում ունենալ ՌԴ նախագահ Պուտինի հետ՝ քննարկելու Սիրիայում «զինվորականների միջեւ կոորդինացման շարունակումը»:
ՌԴ-ում Իսրայելի դեսպան Հարրի Կորենը հայտնել Է, որ Պուտինը եւ Նաթանյահուն Սոչիում կարող են քննարկել fնվտանգության խորհուրդների գծով ՌԴ-ի, ԱՄՆ-ի եւ Իսրայելի եռակողմ հանդիպման կազմակերպումը:
Բաժանորդագրվեք մեր ալիքին Telegram-ում