ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: «Հայաստանի Հանրապետություն» օրաթերթը գրում է․ «Աժ «Բարգավաճ Հայաստան» խմբակցության համար ընդունելի է ընտրական օրենսգրքում եւ «Կուսակցությունների մասին» ՀՀ օրենքում փոփոխություններ կատարելու ընտրված ձեւաչափը, այն է՝ ըստ առաջնահերթության, հատվածաբար եւ հերթականությամբ։ Խմբակցությունը հանդես է եկել բազմաթիվ առաջարկներով, ինչպես օրինակ՝ համամասնական ընտրական համակարգ, զինվորների քվեարկության գաղտնիությունն ապահովող մեխանիզմների ներդրում, որպեսզի հրամանատարները 50 մ-ից ավելի չկարողանան մոտենալ ընտրամասին։ Վերահսկողության հետ կապված առաջնահերթ են համարում բոլոր ընտրամասերում տեսախցիկների առկայությունը եւ այլն։ «Հնարավոր ռիսկերը չեզոքացնելու բազմաթիվ առաջարկներ ենք արել եւ բոլորը պետք է քննարկենք»,- ասաց նա։ Բագրատյանի խոսքով, արտախորհրդարանական քաղաքական ուժերի հետ աշխատանքն արդյունավետ կազմակերպելու համար անհրաժեշտ է նախագծերն ուղարկել բոլոր արտախորհրդարանական ուժերին՝ ակնկալելով նրանց առաջարկությունները»:

Նյութն ամբողջությամբ կարդացեք թերթի այսօրվա համարում։