Արցախի ոստիկանությունն ընտրախախտումների վերաբերյալ 18 հաղորդում է ստացել
14:48, 9 Սեպտեմբեր 2019
ՍՏԵՓԱՆԱԿԵՐՏ, 9 ՍԵՊՏԵՄԲԵՐԻ, ԱՐՄԵՆՊՐԵՍ: 2019 թ.-ի սեպտեմբերի 8-ի տեղական ինքնակառավարման մարմինների ընտրությունների ընթացքում ԱՀ ոստիկանությունում ընտրախախտումների վերաբերյալ տարբեր բնույթի 18 հաղորդում է ստացվել:
Ինչպես «Արմենպրես»-ին հայտնեցին Արցախի Հանրապետության ոստիկանության հասարակայնության հետ կապի և լրատվության ծառայությունից, Ստեփանակերտից և Հադրութի շրջանից ստացվել են 2-ական, Ասկերանի և Շուշիի շրջաններից՝ 1-ական, Մարտունու շրջանից՝ 4, Մարտակերտի շրջանից՝ 3, Քաշաթաղի շրջանից՝ 5 հաղորդումներ:
Շահումյանի շրջանից հաղորդումներ չեն ստացվել: Բոլոր հաղորդումները սահմանված կարգով ընթացքավորված են, և տարվում է հետաքննություն:
Բաժանորդագրվեք մեր ալիքին Telegram-ում