Ժամանակը Երևանում՝ 11:07:36,   23 Սեպտեմբեր

Թուրքիայում իշխող ԱԶԿ անդամների թիվը նվազել է


ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Ըստ պաշտոնական տվյալների՝ Թուրքիայում իշխող «Արդարություն և զարգացում» կուսակցության անդամների թիվը 10 մլն 700 հազարից նվազել է 9 մլն 931 հազարի:

Այս մասին, ինչպես հաղորդում է «Արմենպրես»-ը, հայտնում է թուրքական «Գազեթե դուվար» լրատվամիջոցը:

Սակայն Թուրքիայի նախագահ Ռեջեփ Թայիփ Էրդողանը, որը միաժամանակ նաև ԱԶԿ ղեկավարն է, հայտարարել է, որ չնայած կուսակցությունը լքած պաշտոնյաների թիվը կազմում է 290 հազար, այնուամենայնիվ ԱԶԿ անդամների թիվը գերազանցում է 10 միլիոնը:

Թուրքիայի նախկին փոխվարչապետ Ալի Բաբաջանը հուլիսի 8-ին հայտնել էր «Արդարություն և զարգացում» կուսակցությունից հեռանալու մասին: Նա համարվում է 2001թ. հիմնված այս կուսակցության համահիմնադիրներից մեկը: Ըստ մամուլում շրջանառվող տեղեկությունների՝ Բաբաջանը Թուրքիայի 11-րդ նախագահ Աբդուլլահ Գյուլի հետ նոր կուսակցություն է հիմնելու: Բաբաջանի հեռանալուց հետո կուսակցությունում սկսվել է հրաժարականների մեծ ալիք:

 

 

 




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ