Զարիֆն անօգուտ Է համարել ԱՄՆ-ի պատժամիջոցները Իրանի տիեզերական գերատեսչության դեմ
16:25, 4 Սեպտեմբեր 2019
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Իրանի տիեզերական գերատեսչության դեմ ԱՄՆ-ի սահմանած պատժամիջոցներն անօգուտ են: Այդ մասին, ինչպես տեղեկացնում Է «Արմենպրես»-ը, հայտարարել Է Իսլամական Հանրապետության արտաքին գործերի նախարար Մոհամադ Ջավադ Զարիֆը:
«ԱՄՆ-ը տարվել Է պատժամիջոցներով: Այդ պատժամիջոցները ոչ մի ազդեցություն չունեն»,- նախարարի խոսքը մեջբերել Է IRNA գործակալությունը:
ԱՄՆ-ը սեպտեմբերի 3-ին պատժամիջոցներ Է սահմանել Իրանի աստղագնացության ինստիտուտի, տիեզերական գործակալության եւ տիեզերքի հետազոտության կենտրոնի դեմ: Ինչպես պարզաբանվում Է ԱՄՆ-ի պետքարտուղար Մայք Փոմպեոյի հայտարարության մեջ, «Իրանի քաղաքացիական տիեզերական գործակալության դեմ պատժամիջոցների սահմանումը պայմանավորած Է բալիստիկ հրթիռային ծրագրի օժանդակության եւ զարգացման մասով դրա ակտիվությամբ»:
Իրանի տեղեկատվական տեխնոլոգիաների նախարար Ջավադ Ազարի Ջահրոմին Իրանի տիեզերական գերատեսչությունների դեմ ԱՄՆ-ի նոր պատժամիջոցներին ի պատասխան ԱՄՆ-ի նախագահ Դոնալդ Թրամփին կոչ Է արել՝ դադարելու իրեն որպես Թանոս՝ Marvel-ի պատկերապատումների աշխարհի գերչարագործ ներկայացնել:
«Ես նույնիսկ չեմ կարողանում ԱՄՆ-ն գտնել այդ պատկերում, Էլ ինչ ասեմ տիեզերքում պատժամիջոցների մասին»,- գրել Է Ջահրոմին Twitter-ում եւ կցել տիեզերական միգամածության նկար:
«Տիեզերքը եւ պայծառ ապագան պատկանում են բոլորին, այլ ոչ թե ոմանց: Վե՛րջ տուր քեզ ոպես Թանոս ներկայացնել, Դոնալդ Թրա՛մփ»,- հավելել Է նա, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում