ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի արքայազն Հարրին եւ նրա կինը՝ Սասեքսի դքսուհի Մեգան Մարքլը, մտադրվել են տեղափոխվել Միացյալ Նահանգներ: Այդ մասին, ինչպես տեղեկացնում Է «Արմենպրես»-ը, հայտնել Է The Sun հրատարակությունը:

Թագավորական ընտանիքին մոտ կանգնած աղբյուրները պնդում են, որ արքայազն Հարրիին չի հետաքրքրել Հերեֆորդշիրի կոմսությունում գտնվող կալվածքը, որն առաջարկել Էր նրա հայրը՝ արքայազն Չառլզը: Ընկերները մտահոգ են, որ արքայազնը պլանավորում Է արտասահման մեկնել, որպեսզի ազատվի ԶԼՄ-ներում հայտնվող սկանդալներից եւ եղբոր ու նրա կնոջ՝ Քեմբրիջի դքսուհի Քեյթ Միդլթոնի հետ վեճերից: Տեղափոխվելու առավել հավանական վայրը համարում են Լոս Անջելեսը, որտեղ ապրում են Մարքլի մայրն ու նրա հոլիվուդյան ծանոթները:

Այժմ զույգն զբաղեցնում Է Ֆրոգմոր-հաուս մերձքաղաքային նստավայրը, որը գտնվում Է Վինձորյան դղյակից մեկ կիլոմետր հեռավորության վրա:

Դրա վերանորոգումը հարկատուների վրա նստել Է 2,5 մլն ֆունտ ստեռլինգ: Արքայազն Հարրին եւ Մեգան Մարքլը միացրել են հինգ առանձին շինություններ: Հիշեցնենք, որ արքայազն Հարրին Մեգան Մարքլի հետ ամուսնացել Է 2018 թվականի մայիսի 19-ին, մեկ տարի անց ծնվել Է նրանց առաջնեկը: