1000х90.jpg (78 KB)

Երևանում՝ 11:07,   29 Մարտ 2024

Չավուշօղլուն խոսել է սիրիական Իդլիբի հարցի շուրջ զարգացումների մասին

Չավուշօղլուն խոսել է սիրիական Իդլիբի հարցի շուրջ զարգացումների մասին

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Թուրքիայի արտաքին գործերի նախարար Մևլութ Չավուշօղլուն, որը պաշտոնական այցով գտնվում է Նորվեգիայում, Սիրիայի թեմայով կարևոր հայտարարությամբ է հանդես եկել:

Այս մասին, ինչպես հաղորդում է «Արմենպրես»-ը, հայտնում է թուրքական «Հաբեր 7» լրատվամիջոցը:

Չավուշօղլուն նշել է, որ թուրքական զորքերը Սիրիայից դուրս կգան միայն այն դեպքում, երբ երկրում իրավիճակը հարթելուն ուղղված քաղաքական լուծում գտնվի:

Նա, անդրադառնալով Սիրիայի հյուսիսում գտնվող Իդլիբ շրջանում տեղի ունեցող իրադարձություններին, ընդգծել է, որ հարձակումների շարունակման դեպքում Իդլիբից փախստականների նոր ալիք է սկսվելու դեպի Եվրոպա:

Նախարարը նաև հայտարարել է, որ Ռուսաստանը Թուրքիային երաշխավորել է Սիրիայում գտնվող թուրքական զինված ուժերի դիտակետերի ուղղությամբ չհարձակվելու հարցում:

Սիրիական ուժերը օգոստոսի 19-ին ռմբակոծել են Իդլիբի շրջանի Հան Շեյհուն քաղաք տանող ճանապարհը, ինչի հետևանքով անհնար է դարձել Հան Շեյհունի թուրքական դիտակետեր լրացուցիչ ուժեր ուղարկել:

Վերջին օրերին Իդլիբի ուղղությամբ շարունակվել են հարձակումները, որոնց հետևանքով սպանվել է 15 և վիրավորվել՝ 30 մարդ:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]