Բրազիլիայի իշխանությունները կարող են բանակը ներգրավել Ամազոնիայում հրդեհների դեմ մղվող պայքարում
17:43, 23 Օգոստոս 2019
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Բրազիլիայի նախագահ Ժայիր Բոլսոնարուն հնարավոր Է համարում զինվորականների ներգրավումն Ամազոնիայում անտառային ընդգրկուն հրդեհների դեմ մղվող պայքարում: Այդ մասին, ինչպես հայտնել Է Globo հեռուստաալիքը, քաղաքական գործիչը հայտարարել Է օգոստոսի 23-ին, տեղեկացնում Է «Արմենպրես»-ը:
Բրազիլիայի օրենսդրությանը համապատասխան, պետության ղեկավարը կարող Է դեկրետ ընդունել օրինականության եւ իրավակարգի ապահովման մասին, ինչը թույլ Է տալիս գործի դնել զինված ուժերի ռեսուրսները: Ավելի վաղ նման միջոցների են դիմել 2017 թվականին Ռիո դե Ժանեյրոյում կազմակերպված հանցավորության դեմ պայքարելու եւ Ամազոնաս հյուսիսային նահանգում ընտրությունների անվտանգությունն ապահովելու համար, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում