Ադրբեջանի հետ օպերատիվ կապը գործում է բավականին կայուն. ՀՀ ԱԳ նախարար
15:16, 22 Օգոստոս 2019
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Հայաստանի և Ադրբեջանի միջև ստեղծված օպերատիվ կապը գործում է բավականին կայուն: Ինչպես հաղորդում է «Արմենպրես»-ը, այս մասին կառավարության նիստից հետո լրագրողների հետ զրույցում ասաց ՀՀ ԱԳ նախարար Զոհրաբ Մնացականյանը:
Անդրադառնալով Ադրբեջանի ԱԳ նախարար Էլմար Մամեդյարովի հետ նոր հանդիպման մասին հարցին՝ ՀՀ ԱԳ նախարարն ընդգծեց, որ հանդիպումները շարունակվում են, բանակցային գործընթացը չի կանգնել: «Ես սրա մասին վերջին անգամ խոսել եմ Ուրուգվայի նախարարի հետ մամուլի ասուլիսի ժամանակ. ես ասացի, որ ինչպես մենք միշտ անում ենք, հանդիպման մասին համաձայնեցված պահին կհայտարարենք»,- ասաց Մնացականյանը:
Բաժանորդագրվեք մեր ալիքին Telegram-ում