Ոսկեպար գյուղում այրվել է մոտ 10 հա խոտածածկույթ
12:08, 22 Օգոստոս 2019
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: «911» ծառայությանն օգոստոսի 21-ին, ժամը 14:24-ին ահազանգ է ստացվել, որ Տավուշի մարզի Ոսկեպար գյուղում այրվում է խոտածածկույթ:
Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Ոսկեպար գյուղի «Խաչի դոշ» կոչվող հանդամասում:
Հրդեհը մեկուսացվել է ժամը 18:29-ին, մարվել՝ 18:37-ին:
Այրվել է մոտ 10 հա խոտածածկույթ և մացառուտ:
Բաժանորդագրվեք մեր ալիքին Telegram-ում