Գանձակ-Սարուխան ավտոճանապարհին հարակից տարածքում այրվել է մոտ 30 հա խոտածածկույթ
10:21, 22 Օգոստոս 2019
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: «911» ծառայությանն օգոստոսի 21-ին, ժամը 16:25-ին ահազանգ է ստացվել, որ Գեղարքունիքի մարզի Գանձակ-Սարուխան միջհամայնքային ավտոճանապարհին հարակից տարածքում այրվում է խոտածածկույթ. կրակը մոտենում է չհնձած ցորենի արտերին:
Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 17:55-ին, մարվել՝ 18:21-ին:
Այրվել է մոտ 30 հա խոտածածկույթ:
Բաժանորդագրվեք մեր ալիքին Telegram-ում