Ուրուգվայի նախագահի մոտ թոքերի քաղցկեղ են հայտնաբերել
09:58, 21 Օգոստոս 2019
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Ուրուգվայի նախագահ Տաբարե Վասկեսի թոքում չարորակ գոյացություն Է հայտնաբերվել: Այդ մասին, ինչպես տեղեկացնում Է «Արմենպրես»-ը, նա ինքն Է հայտնել լրագրողներին:
«Ես ժողովրդին տեղեկացնում եմ, որ շերտագրական հետազոտության ժամանակ հաստատվել Է չարորակ գոյացության առկայությունն իմ աջ թոքում»,- հայտնել Է Վասկեսը, որն ինքը կրթությամբ ուռուցքաբան Է: Նախագահը, որը 79 տարեկան Է, հավելել Է, որ մեկ կամ երկու օր կմնա հիվանդանոցում լրացուցիչ հետազոտությունների անցկացման համար: Վասկեսը նշել Է, որ իրեն լավ Է զգում:
Վասկեսը երկրորդ անգամ Ուրուգվայի նախագահի պաշտոնն ստանձնել Է 2015 թվականի մարտին: Նրա առաջին մանդատը տեւել Է 2005-ից մինչեւ 2010 թվականը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում