Մադուրոն հավաստել Է Վաշինգտոնի հետ շփումների առկայությունը
09:53, 21 Օգոստոս 2019
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Վենեսուելայի նախագահ Նիկոլաս Մադուրոն հավաստել Է, որ իր ներկայացուցիչներն «ամիսներ շարունակ» շփումներ են պահպանում ԱՄՆ-ի նախագահ Դոնալդ Թրամփի վարչակազմի հետ, տեղեկացնում Է «Արմենպրես»-ը:
«Կարող եմ հավաստել, որ մեր շփումները պահպանվում են արդեն ամիսներ»,- ասել Է նա՝ ելույթ ունենալով պետական հեռուստատեսությամբ: Ավելի վաղ զանգվածային լրատվամիջոցները հայտնել են, որ Կարակասը եւ Վաշինգտոնն անցկացրել են մի շարք գաղտնի բանակցություններ:
Օգոստոսի 20-ին Թրամփն Սպիտակ տանը լրագրողներին հայտնել Է, որ իր վարչակազմի ներկայացուցիչները «շատ բարձր մակարդակով» բանակցություններ են վարել Վենեսուելայի տարբեր ոլորտների ներկայացուցիչների հետ, հաղորդել Է «Ինտերֆաքսը»:
Բաժանորդագրվեք մեր ալիքին Telegram-ում