Արզնի համայնքում նախկին ճաշարանի շենքը վերակառուցվում է մշակույթի տան
ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Համայնքների տնտեսական և սոցիալական զարգացմանն ուղղված Կառավարության 2019 թվականի սուբվենցիոն ծրագրերով Կոտայքի մարզի համայնքներում շարունակվում են իրականացվել ամենատարբեր աշխատանքներ:
Ինչպես տեղեկացնում է «Արմենպրես»-ը, սուբվենցիայի շրջանակում Կոտայքի մարզի Արզնի համայնքում նախկին ճաշարանի շենքը վերակառուցվում է մշակույթի տան:
Աշխատանքներն ինտենսիվ փուլ են մտել: Այս պահին ամրացվում է տանիքը և ներսի պատերի հարթեցման աշխատանքներ են իրականացվում:
Շինարարական աշխատանքների արդյունքում Արզնի համայնքը կունենա կապիտալ հիմնանորոգված մշակույթի տուն, որտեղ գործելու են ամենատարբեր խմբակներ՝ միտված համայնքում երիտասարդական, մշակութային կյանքի աշխուժացմանը:
Շահած պայմանագրի արժեքը 24.800.700 դրամ է, որից 7.440. 210 դրամը (30%) պետական բյուջեի ֆինանսավորման չափն է, 17. 360.490 դրամը (70%)՝ համայնքի:
Բաժանորդագրվեք մեր ալիքին Telegram-ում