Ժամանակը Երևանում՝ 11:07:36,   21 Սեպտեմբեր

Քրեակատարողական հիմնարկներում նշել են Սուրբ Աստվածածնի Վերափոխման տոնը

Քրեակատարողական հիմնարկներում նշել են Սուրբ Աստվածածնի Վերափոխման տոնը

ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱՆ քրեակատարողական հիմնարկներում օգոստոսի 18-ին նշել են Հայ առաքելական եկեղեցու հինգ տաղավար տոներից չորրորդը՝ Սուրբ Աստվածածնի Վերափոխման տոնը:

«Արմենպրես»-ի հաղորդմամբ՝ այս մասին տեղեկացրին ՀՀ ԱՆ քրեակատարողական ծառայության հանրային կապերի բաժնից:

ՀՀ ԱՆ «Արթիկ» քրեակատարողական հիմնարկում օրը հիշատակվեց Տեր Լևոն Քահանա Հովհաննիսյանի օրհնությամբ, ներկա էին նաև հիմնարկի աշխատակազմն ու ազատազրկված անձինք։

«Աբովյան» ՔԿՀ-ի կրոնական անկյունում դատապարտյալների նախաձեռնությամբ և ծառայողների աջակցությամբ կազմակերպվել էր օրվա խորհրդին նվիրված միջոցառում, որի ավարտին հիմնարկի հոգևոր հովիվ Տեր Արսեն քահանա Համբարձումյանի ձեռամբ խաղող օրհնվեց և բաժանվեց ներկաներին:

«Վանաձոր» քրեակատարողական հիմնարկում սոցիալական, հոգեբանական և իրավական աշխատանքների բաժնի և հիմնարկը սպասարկող հոգևոր սպասավոր Տեր Վահան քահանա Ազարյանի կողմից Խաղողօրհնեքի արարողությունն իրականացվեց հիմնարկի մատուռում: Օրհնված խաղողը բաժանվեց դատապարտյալների և կալանավորված անձանց միջև՝ ըստ խցերի:

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ