ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը հավաստել Է Դանիայից Գրենլանդիան գնելու իր մտադրությունը: Այդ մասին, ինչպես տեղեկացնում Է «Արմենպրես»-ը, նա լրագրողներին հայտարարել Է Սպիտակ տանը: Նրա խոսքով՝ ինքն այդ հարցով հետաքրքրվել Է սոսկ «ռազմավարական առումով»:

ԱՄՆ-ի նախագահը հավստիացրել Է, որ այդ հարցն առաջնահերթ չԷ օրակարգում: Օգոստոսի 16-ին հայտնի Է դարձել, որ Թրամփը դիտարկում Է Գրենլանդիան գնելու հնարավորությունը: Այդ գաղափարը, ինչպես նշվել Է, քննարկվել Է նրա խորհրդականների հետ, որոնք այդ պլանը «տնտեսապես նպատակահարմար» են որակել:

Հաշվարկվել Է, որ այդ գործարքի արժեքը կարող Է կազմել 10 տրիլիոն դոլար, այդ գումարը գերազանցում Է ԱՄՆ-ի ՀՆԱ-ի կեսը: Դանիայի վարչապետ Մետե Ֆրեդերիկսենը Sermitsiaq թերթին տված հարցազրույցում բացառել Է աշխարհի ամենախոշոր կղզին՝ Գրենլանդիան, ԱՄՆ-ին վաճառելու հնարավորությունը: Ընդսմին նա Թրամփի պլանները կատակ Է համարել, հաղորդել Է ՏԱՍՍ-ը: