Երևանում՝ 11:07,   19 Մարտ 2024

Համահայկական 8-րդ խաղերը հնարավոր է անցկացվեն նաև պրոֆեսիոնալ մակարդակով. Տիգրան Ավինյան

Համահայկական 8-րդ խաղերը հնարավոր է անցկացվեն նաև պրոֆեսիոնալ 
մակարդակով. Տիգրան Ավինյան

ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Համահայկական 8-րդ խաղերը հնարավոր է, որ անցկացվեն ոչ միայն սիրողական, այլ նաև պրոֆեսիոնալ մակարդակով: «Արմենպրես»-ի փոխանցմամբ՝ այս մասին լրագրողների հետ զրույցում ասաց ՀՀ փոխվարչապետ Տիգրան Ավինյանը:

«Համահայկական խաղերի խորհուրդը, թե հին Հայաստանում, թե նոր Հայաստանում, նույնն է եղել՝ Հայաստանի, սփյուռքի և Արցախի միասնության խորհուրդ է պարունակել, և կարծում եմ՝ այդ խորհուրդը շատ ցցուն է եղել այս համահայկական խաղերի բացմանը, որն իրականացվեց, Ստեփանակերտում, Արցախում: Շատ տպավորիչ բացում էր, խաղերն էլ շատ հաջող են անցել, այնքան հաջող, որ հաջորդ խաղերը մտածում ենք անցկացնել ոչ միայն սիրողական, այլ նաև պրոֆեսիոնալ մակարդակով»,- ասաց Ավինյանը:

Տիգրան Ավինյանը հետևել է Համահայկական 7-րդ խաղերի բասկետբոլի եզրափակչին, և հայտնել, որ երիտասարդ տարիքում որոշ ժամանակ ընկերների հետ բասկետբոլ է խաղացել:

7-րդ համահայկական ամառային խաղերին այս տարի մասնակցում է մոտ 5000 մարզիկ՝ աշխարհի 35 երկրի մոտ 160 քաղաքից: Խաղերի մի քանի մարզաձևեր անցկացվեցին Ստեփանակերտում, Մարտակերտում և Ասկերանում, իսկ հիմնական պայքարը ծավալվում է Երևանում: Ամենամեծ թվով պատվիրակությունը Ռուսաստանի Դաշնությունից է, որը ներառում է 14 քաղաք՝ 368 մարզիկով։ Այս տարի մասնակցում է 3 նոր երկիր՝ Արաբական Միացյալ Էմիրությունները, Իրաքը և Չեխիան:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]