«Բավարիա»-ն հաստատեց Կոուտինյոյի տեղափոխությունը
11:44, 17 Օգոստոս 2019
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Կատալոնական «Բարսելոնա»-ի կիսապաշտպան Ֆելիպե Կոուտինյոն կարիերան կշարունակի «Բավարիա»-ում: Ինչպես հաղորդում է «Արմենպրես»-ը, այս մասին հայտնում է «Բավարիա»-ի պաշտոնական կայքը:
Կոուտինյոն գերմանական ակումբում հանդես կգա առաջիկա մրցաշրջանի ընթացքում: Կողմերը համաձայնության են հասել, որ առաջիկա մրցաշրջանը Կոուտինյոն կանցկացնի «Բավարիա»-ում, ինչից հետո գերմանական ակումբը ֆուտբոլիստի ամբողջական տրանսֆերը գնելու իրավունք կունենա:
Նշվում է, որ առաջիկա օրերին Կոուտինյոն կժամանի Գերմանիա՝ պայմանագրի մանրամասները հստակեցնելու և բուժզննում անցնելու համար:
Ֆելիպե Կոուտինյոն «Բարսելոնա» էր տեղափոխվել «Լիվերպուլ»-ից 2018 թվականի ամռանը:
Բաժանորդագրվեք մեր ալիքին Telegram-ում