ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: 88 տարեկանում կյանքից հեռացել Է ՌԴ-ի ժողովրդական արտիստ կոմպոզիտոր Ռոման Լեդենյովը՝ «Պոեմ թեւերի մասին», «Տարօրինակ կինը» եւ այլ ֆիլմերի երաժշտության հեղինակը: Օգոստոսի 16-ին այդ մասին հայտնել Է Ռուսաստանի Կինեմատոգրաֆիստների միության մամուլի ծառայությունը, տեղեկացնում Է «Արմենպրես»-ը:

«Խորը վշտով հայտնում ենք, որ 2019 թվականի օգոստոսի 15-ին մեզնից հեռացավ Ռոման Սեմյոնի Լեդենյովը՝ տաղանդավորագույն կոմպոզիտորը, Ռուսաստանի ժողովրդական արտիստը, ՌԴ-ի Պետական մրցանակի դափնեկիրը, Մոսկվայի կոնսերվատորիայի ստեղծագործության ամբիոնի հնագույն պրոֆեսորը, Ռուսաստանի Կինեմատոգրաֆիստների միության Կոմպոզիտորների գիլդիայի հեղինակավոր անդամը: Էկրանի նրա անվրեպ զգացումն առանձնապես դրսեւորվել Է «Պոեմ թեւերի մասին», «Տարօրինակ կինը», «Ամբողջ թագավորական զորքը» կինոնկարներում»,- ասած Է հաղորդագրության մեջ: Նրա ստեղծագործությունների թվում են՝ «Էպիգրաֆներ ֆլեյտայի եւ կամերային անսամբլի համար», «Տրիպտիխ Սվիրիդովի հիշատակին», «Ինն Էսքիզ», «Տարվա եղանակները» երկու երգչախմբի եւ գործիքային անսամբլի համար եւ այլ գործեր, հաղորդել Է ՏԱՍՍ-ը: