1000х90.jpg (78 KB)

Երևանում՝ 11:07,   28 Մարտ 2024

«WCIT 2019»-ի հյուրերի համար պահվել է երևանյան 50 հյուրանոցի 1500 համար

«WCIT 2019»-ի հյուրերի համար պահվել է երևանյան 50 հյուրանոցի 1500 համար

ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: ՏՏ 23-րդ համաշխարհային համաժողովի օրերին մասնակիցների հարմարավետ կեցությունն ապահովելու նպատակով պահվել են Երևանի և հարակից բնակավայրերի հիմնական հյուրանոցները։ «Արմենպրես»-ի փոխանցմամբ՝  ընդհանուր առմամբ պահվել է 50 հյուրանոցի տարբեր դասի շուրջ 1500 համար։ «WCIT 2019» ՏՏ համաշխարհային համաժողովը՝ ՏՀՏ աշխարհի խոշորագույն ու հեղինակավոր միջոցառումներից մեկը, այս տարի տեղի կունենա Երևանում՝ Հայաստանում, հոկտեմբերի 6-9-ին։ Համաժողովի այցելուները կարող են հյուրանոցի ամրագրումն իրականացնել միջոցառման պաշտոնական կայքի միջոցով:

Համաժողովը կհյուրընկալի ՏՏ աշխարհի առաջատարների ու նորարարների, գլոբալ քաղաքականության առաջնորդների, կառավարությունների ու կորպորացիաների, սկսնակ ձեռնարկությունների ղեկավարների, խոշոր ներդրողների: «WCIT 2019» -ի ընթացքում հանգամանորեն կքննարկվի, թե ինչպես են տեղեկատվական և հաղորդակցության տեխնոլոգիաները թե՛ դրական, թե՛ բացասական առումներով վերափոխում մեր կյանքը, ինչ ազդեցություն են ունենում շահույթի և բարեկեցության, ապահովության և անվտանգության, ժողովրդավարության և մարդասիրության վրա։

Հայաստանը կհյուրընկալի ավելի քան 2000 մասնակից՝ շուրջ 70 երկրից. նրանք քննարկումներ կանցկացնեն «Ապակենտրոնացման ուժը․ ակնկալիք և վտանգ», «Մեքենաները հառնում են», «Սև Կարապ», «Բլոքչեյնի նորարարությունը խաչաձևվում է կապիտալի հետ», «Արհեստական բանականությունը գենոմիկայում», «Որքան կանաչ է Սիլիկոնային հովիտը», խելացի քաղաքներ, ստարտափներ և ինկուբատորներ թեմաներով։

Հաշվի առնելով նախնական գրանցումների թիվը, հնարավոր է Հայաստան ժամանեն ավելի մեծ թվով մասնակիցներ, ուստի Ծաղկաձորի, Աղվերանի և Հայաստանի այլ քաղաքների հյուրանոցները նույնպես պատրաստ են միջոցառմանը։

Բարձրաստիճան գործիչների հյուրընկալության նպատակով միջոցառման գլխավոր գործընկերներ են դարձել «Արմենիա Մարիոթ հոթել Երևան» և «Ռեդիսոն Բլու հոթել Երևան» հյուրանոցները։

«WCIT 2019» ՏՏ համաշխարհային համաժողովի գրասենյակը կազմակերպում է նաև պատվիրակությունների ու մասնակիցների տեղափոխումը օդանավակայան-հյուրանոցներ, իսկ համաժողովի օրերին՝ քաղաքի կենտրոնից-միջոցառման վայր՝ Կ․ Դեմիրճյանի անվան մարզահամերգային համալիր, և հակառակ ուղղություններով։

Համաժողովի կազմակերպման գրասենյակն ավելի վաղ հայտարարել է աշխարհի 19 առաջատար ավիաընկերություն միավորող «Sky Team Airline Alliance»-ի հետ համագործակցության մասին, համաձայն որի, «WCIT 2019»-ի օրերին Հայաստան այցելող հյուրերի համար մինչև 15 տոկոսի զեղչեր են սահմանվել։ «Սքայ թիմն» իր համակարգում «WCIT 2019» անունով հատուկ էջ է բացել՝ հնարավորություն տալով առցանց ամրագրումներ անել աշխարհի ցանկացած կետից, որպես վերջնական ուղղություն նշելով Երևանը։ «Սքայ թիմի» անդամ են մոլորակի գրեթե բոլոր գործարար անկյունները կապող 19 ավիաընկերություններ, որոնք օրական 14 500-ից ավելի թռիչք են իրականացնում՝ ծածկելով աշխարհի 179 երկրի ավելի քան 1150 ուղղություն։  

***

«WCIT 2019» ՏՏ համաշխարհային համաժողովը տեղի կունենա Երևանում, հոկտեմբերի 6-9-ին։ Համաժողովը հյուրընկալվում է Հայաստանում՝ ՀՀ կառավարության բարձր հովանու ներքո և աջակցությամբ։ ՏՏ համաշխարհային համաժողովը հիմնադրել է Տեղեկատվական տեխնոլոգիաների և ծառայությունների համաշխարհային դաշինքը։ Համաժողովը կազմակերպում է Առաջատար տեխնոլոգիաների ձեռնարկությունների միությունը։ 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]