Բռնցքամարտիկ Գոռ Երիցյանը 11-րդ պրոֆեսիոնալ մենամարտը կանցկացնի ԱՄՆ-ում
09:57, 16 Օգոստոս 2019
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Բռնցքամարտիկ Գոռ Երիցյանը օգոստոսի 17-ին հերթական մենամարտը կանցկացնի պրոֆեսիոնալ ռինգում:
«Արմենպրես»-ի փոխանցմամբ` WBO վարկածով աշխարհի մինչև 23 տարեկանների չեմպիոն Գոռ Երիցյանը օգոստոսի 17-ին, կանցկացնի իր 11-րդ մենամարտը: ԱՄՆ-ի Բրբանք քաղաքում կայանալիք բռնցքամարտի երեկոյի ընթացքում Երիցյանը 8 ռաունդանոց մենամարտում ուժերը կչափի ամերիկացի Դերիոն Չեպմանի հետ: Մրցակիցը պրոֆեսիոնալ ռինգում անցկացրել է 8 մենամարտ, որոնցից 3-ում հաղթել է:
Գոռ Երիցյանը հաղթել է իր անցկացրած բոլոր 10 մենամարտերում:
Բաժանորդագրվեք մեր ալիքին Telegram-ում