Ժամանակը Երևանում՝ 11:07:36,   20 Օգոստոս

Կռիվ ենք տալու. «Փյունիկ»-ի մարզիչը «Վուլվերհեմփթոն»-ի դեմ խաղի մասին


ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Երևանի «Փյունիկ» ֆուտբոլային ակումբը կռիվ է տալու անգլիական «Վուլվերհեմփթոն»-ի դեմ պատասխան խաղում:

«Թիմը նորմալ ժամանեց Անգլիա։ Ամեն ինչ նորմալ է։ Ինչ վերաբերում է խաղին, ապա հաշվի առնելով, որ մենք 0-4 հաշվով պարտվեցինք տանը, կարծում եմ, որ դժվար կլինի հաղթահարել մրցակցի արգելքը։ Բայց միևնույն ժամանակ կարծում եմ, որ մենք կռիվ կտանք և, նախորդ խաղում թույլ տված սխալներից դասեր քաղելով, կփորձենք հաղթանակի հասնել»,-«Արմենպրես»-ի հաղորդմամբ՝  մարզիչ Տարխանովի խոսքը փոխանցում է ակումբի մամուլի ծառայությունը:

«Փյունիկի» կիսապաշտպան Էրիկ Վարդանյանը համաձայնել է մարզչի հետ՝ հավելելով. «Ճիշտ է, հաջորդ փուլ անցնելու շանսերը շատ քիչ են, բայց մենք ամեն ինչ կանենք, որպեսզի դրական արդյունքի հասնենք»։

Հիշեցնենք, որ Եվրոպա լիգայի որակավորման երրորդ փուլի «Վուլվերհեմփթոն» - «Փյունիկ» խաղը կկայանա օգոստոսի 15-ին, Երևանի ժամանակով 22:45-ին։

 




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ