1000х90.jpg (78 KB)

Երևանում՝ 11:07,   29 Մարտ 2024

Նապոլեոնի հետմահու դիմակի բրոնզե պատճենն աճուրդի Է դրվել ԱՄՆ-ում. Fox

Նապոլեոնի հետմահու դիմակի բրոնզե պատճենն աճուրդի Է դրվել ԱՄՆ-ում. Fox


ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Ֆրանսիայի կայսր Նապոլեոն Բոնապարտի (1769 – 1821) հետմահու դիմակի բրոնզե պատճենն աճուրդի Է դրված ԱՄՆ-ի Նոր Օռլեան քաղաքի (Լուիզիանայի նահանգ) աճուրդում՝ 34,5 հազար դոլարով: Այդ մասին հայտնել Է Fox News հեռուստաալիքը, տեղեկացնում Է «Արմենպրես»-ը:
Հեռուստաալիքի տվյալներով՝ աճուրդը, որը կազմակերպել Է M. S. Rau Antiques արվեստի պատկերասրահը, նվիրված Է Նապոլեոն Բոնապարտի ծննդյան օրվա (օգոստոսի 15) 250-ամյակին:
Մինչ օրս համարվում Էր, որ Նապոլեոնի հետմահու դիմակը Սուրբ Հեղինեի կղզում հանել Է նրա անձնական բժիշկ Ֆրանչեսկո Անտոմարչին, որը մահացել Է 1838 թվականին Սանտյագո դե Կուբա քաղաքում:
«Սակայն շարունավում Է վեճն այն բանի շուրջը, թե ով Է հանել տապալված կայսեր հետմահու դիմակը: Ժամանակին կարծում Էին, թե դա եղել Է Նապոլեոնի անձական բժիշկ Ֆրանչեսկո Անտոմարչին, սակայն այժմ պնդում են, որ դա եղել Է բրիտանացի զինվորական բժիշկ Ֆրենսիս Բերտոնը, եւ որ նա հետմահու դիմակը հանել Է 1821 թվականի մայիսի 7-ին»,- ճշտվում Է պատկերասրահի կայքում:
Պատկերասրահի տվյալներով՝ գոյություն ունի այդ դիմակի մի քանի պատճեն: Դրանցից մեկը պահվում Է Նոր Օռլեանում՝ Լուիզիանայի նահանգի Կաբիլդո թանգարանում: Բնօրինակը ցուցադրված Է Հավանայի Նապոլեոնի թանգարանում, հաղորդել Է ՏԱՍՍ-ը:

Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]