ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի Քաղաքացիական ավիացիայի Դաշնային ավիացիոն վարչությունը (FAA) ավիաընկերությունների համար սահմանել Է ինքնաթիռներում Apple ընկերության 2015 – 2017 թվականների արտադրության MacBook Pro նոութբուքերի փոխադրման արգելք, տեղեկացնում Է «Արմենպրես»-ը:

Արգելքի վերաբերյալ որոշումն ընդունվել Է այն բանից հետո, երբ Apple Inc՚s-ը հայտնել Է Էկրանի 15 դյույմ անկյունագծով MacBook Pro-ի որոշ մոդելների հետկանչման մասին՝ այն պատճառով, որ դրանց սնուցման մարտկոցները գերտաքանում են, ինչը հղի Է բռնկմամբ: «FAA-ին հայտնի Է հետկանչված մարտկոցների մասին, որոնք օգտաsործվում են Apple-ի որոշ MacBook Pro նոութբուքերում»,- ասել Է վարչության ներկայացուցիչը՝ հավելելով, որ «ավիաընկերությունները նախազգուշացված են հետկանչման մասին», հաղորդել Է «Ինտերֆաքսը»: