1000х90.jpg (78 KB)

Երևանում՝ 11:07,   29 Մարտ 2024

Վրաստանի օդանավակայաններում ուղեւորահոսքը 10 տոկոսով կրճատվել Է ՌԴ-ից թռիչքների արգելման պատճառով

Վրաստանի օդանավակայաններում ուղեւորահոսքը 10 տոկոսով կրճատվել Է ՌԴ-ից թռիչքների արգելման պատճառով

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Թբիլիսիի եւ Բաթումի միջազգային օդանավակայաններում 2019 թվականի հուլիսին ուղեւորահոսքը 10 տոկոսով կրճատվել Է Ռուսաստանից թռիչքների ժամանակավոր արգելքի պատճառով: Այդ մասին, ինչպես տեղեկացնում Է «Արմենպրես»-ը, հայտարարել Է հանրապետության Էկոնոմիկայի փոխնախարար Ակակի Սագիրաշվիլին օգոստոսի 13-ին վրացական IMEDI հեռուստաընկերությանը տված հարցազրույցում:

«Հայտնի իրադարձությունների պատճառով, որոնք վերաբերել են մեր ավիաշուկային, աշխատանքի անկում Է դիտվում Թբիլիսիի եւ Բաթումի միջազգային օդանավակայաններում: Ընդհանուր առմամբ մենք ունենք 10-տոկոսանոց անկում: Օրինակ, եթե անցյալ տարվա հուլիսին Թբիլիսիի օդանավակայանն սպասարկել Է 430 հազար ուղեւորների, ապա այս տարի այն թողանցել Է 385 հազար մարդու: Այս տարվա հուլիսին Բաթումն սպասարկել Է 100 հազար ուղեւորի այն դեպքում, երբ անցյալ տարի այդ թիվը կազմել Է 111 հազար»,-ասել Է Սագիրաշվիլին:

Վրաստանի զբոսաշրջության ազգային վարչակազմն օգոստոսի 7-ին հրապարակել Է հուլիս ամսվա վիճակագրական տվյալները, որոնց համաձայն, ՌԴ-ի քաղաքացիները շուրջ 160 հազար այց են կատարել հանրապետություն, ինչը 6,4 տոկոսով պակաս Է 2018 թվականի համապատասխան ժամանակաշրջանի համեմատությամբ: Օգոստոսի 12-ին Վրաստանի վարչապետ Մամուկա Բախտաձեն հայտարարել Է, որ զբոսաշրջության ոլորտը թռիչքների արգելման պատճառով տուժել Է մոտավորապես 60 մլն դոլարով, հաղորդել Է ՏԱՍՍ-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]