ԱՄՆ-ի պատվիրակության ղեկավարն արդյունավետ Է համարել Դոհայում թալիբների հետ կայացած բանակցությունները
17:40, 12 Օգոստոս 2019
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: «Թալիբան» արմատական շարժման հետ բանակցություններում ամերիկյան պատվիրակության ղեկավար, Աֆղանստանի խնդրով ԱՄՆ-ի հատուկ դեսպանորդ Զալմայ Խալիլզադն արդյունավետ Է համարել բանակցությունների հերթական՝ թվով ութերորդ փուլը, որը Դոհայում ավարտվել Է Իդ ալ Ադհա մուսուլմանական տոնի սկսվելու կապակցությամբ, տեղեկացնում Է «Արմենպրես»-ը:
«Մենք ավարտեցինք բանակցությունների փուլը, որն ՄԱՆ-ի եւ «Թալիբան»-ի միջեւ սկսվել Էր օգոստոսի 3-ին: Վերջին մի քանի օրերին կողմերը կենտրոնացել Էին տեխնիկական մանրամասների քննարկման վրա: Այն արդյունավետ Էր»,-գրել Է Խալալզադն իր Twitter-ում: Նա հայտնել Է, որ վերադառնում Է Վաշինգտոն՝ կոնսուլտացիաներ անցկացնելու հերթական քայլերի շուրջ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում