Հունաստանում բարձր կարգի հրդեհավտանգ իրավիճակ է
12:47, 10 Օգոստոս 2019
ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: Հունաստանի մի շարք շրջաններում հայտարարվել է հրդեհավտանգ ամենաբարձր՝ հինգերորդ աստիճան՝ կապված 40 աստիճան ջերմության և ուժեղ քամու հետ: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Առաջիկա օրերին Հունաստանում ակնկալվում են էքստրեմալ եղանակային պայմաններ, օդի ջերմաստիճանը կբարձրանա մինչև 41 աստիճան, քամու ուժգնությունը կլինի 17 մետր/վայրկյան: Ցածր խոնավության պայմաններում այս ամենը մեծացնում է հրդեհների առաջացման ռիսկը:
Վտանգի հինգերորդ աստիճան է հայտարարվել Ատտիկեում, Կենտրոնական Հունաստանում, Պելոպոնեսի մի քանի շրջաններում, արևելյան Լակոնիայում:
Բաժանորդագրվեք մեր ալիքին Telegram-ում