Ավստրալիայում ընտրել են մայրցամաքի ամենադուրեկան կոալային
ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: Համազգային մրցույթի ընթացքում 1 միլիոնից ավելի ավստրալացիներ ընտրել են մայրցամաքի ամենագրավիչ կոալային: Ինչպես հայտնել Է Tourism Australia պետական պորտալը, որն անցկացրել Է քվեարկությունը, հաղթել Է ութ ամսական Տալոուն՝ Գոլդ Կոստայում գտնվող Paradise Country Nature Park արգելոցից, տեղեկացնում Է «Արմենպրես»-ը:
Australia's cutest koala joey? Spolier alert: she's super cute! https://t.co/QrhFW1C45u pic.twitter.com/lmVNfqAWwL
— Tourism Australia (@TourismAus) August 5, 2019
Համաժողովրդական մրցույթն ամբողջ երկրում ընթանում Էր երկու ամիս: Այդ ժամանակաշրջանում ժյուրիի հասցեով կոալաների հարյուրավոր լուսանկարներ են ստացվել ամբողջ մայրցամաքից, բայց նախնական ընտրությունից հետո մրցույթի քառորդ եզրափակիչ Է անցել միայն 70 հավակնորդ: Կիսաեզրափակիչի մասնակիցներին որոշելու համար պորտալի աշխատակիցների թիմը քվեարկություն Է անցկացրել սոցիալական ցանցերում եւ դրա արդյունքներով կազմել հավակնորդների եզրափակիչ ցուցակը, որում հայտնվել Է 13 կոալա: Հենց այդ ցուցակն Էլ դրվել Է համաժողովրդական քվեարկության:
«Եզրափակիչ քվեարկությունը տեւել Է ուղիղ 24 ժամ: Մեկ օրում դրան հասցրել Է մասնակցել 1 մլն մարդ, եւ բացարձակ առաջատար Է դարձել Տալոուն՝ Գոլդ Կոստայի ազգային արգելոցից: Նրա լուսանկարների վերաբերյալ մենք ստացել ենք տասնյակ հազարավոր հիացական մեկնաբանություններ: Բայց, անկեղծ ասած, եզրափակիչ քվեարկությունից ավելի շատ մեզ ապշեցրել Է մրցույթն ինքը. մենք ամենեւին չԷինք սպասում, որ այսքան շատ մարդիկ մեզ կուղարկեն մեր հարազատ կոալաների նման գեղեցիկ լուսանկարներ»,-գրել Է պորտալի՝ զբոսաշրջության գծով մենեջեր Նիկ Հենդերսոնը, որը մրցույթի ժյուրիի կազմում Էր, հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում