1000х90.jpg (78 KB)

Երևանում՝ 11:07,   29 Մարտ 2024

Twitter-ում խոստովանել են, որ օգտատերերի տվյալներն օգտագործել են առանց թույլտվության

Twitter-ում խոստովանել են, որ օգտատերերի տվյալներն օգտագործել են առանց թույլտվության

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Twitter սոցիալական ցանցի ղեկավարությունն օգոստոսի 6-ին ներողություն Է խնդրել այն բանի համար, որ մոտավորապես մեկ տարի առանձին օգտատերերի տվյալներ օգտագործել Է առանց նրանց թույլտվության: Այդ մասին, ինչպես տեղեկացնում Է «Արմենպրես»-ը, ասված Է սոցցանցի կայքում հրապարակված հայտարարության մեջ:

Դրա համաձայն, եթե օգտատերերը հեռախոսով սոցցանցում գովազդ են դիտել ինչ-որ շարժական հավելվածի վերաբերյալ, ինչից հետո ինչ-որ ձեւով փոխգործակցել են այդ հավելվածի հետ (օրինակ՝ այն տեղադրել են), Twitter-ը կարող Էր նրանց վերաբերյալ որոշ տվյալներ բացահայտել իր գործընկերներին, նույնիսկ եթե մարդիկ չեն տվել դրա թույլտվությունը: Այդ խնդիրը գոյություն Է ունեցել 2018 թվականի մայիսից:

Բացի այդ, նույն տարվա սեպտեմբերից Twitter-ը կարող Էր օգտատերերին գովազդ ցույց տալ նրանց շարժական սարքերի տեսակի վերաբերյալ ենթադրությունների հիման վրա՝ նրանցից թույլտվություն չխնդրելով նման տեղեկատվության մշակման համար: Ընթացիկ տարվա օգոստոսի 5-ին անսարքությունը հայտնաբերվել Է եւ վերացվել սոցցանցի կողմից:

«Մենք ներողություն ենք խնդրում, որ դա տեղի Է ունեցել, եւ միջոցներ ենք ձեռնարկում՝ համոզվելու, որ մենք այդ սխալը չենք կրկնի»,-նշվում Է հրապարակման մեջ: Միեւնույն ժամանակ հայտարարության մեջ նշվում Է, որ Էլեկտրոնային փոստի նշանաբառերը, հաշվեգրանցումները եւ նման այլ տեղեկություններ չեն փոխանցվել երրորդ կողմի, հաղորդել Է ՏԱՍՍ-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]