Ժամանակը Երևանում՝ 11:07:36,   11 Օգոստոս

ՀՀ դեսպանը հանդիպել է Քուվեյթի մշակույթի ազգային խորհրդի գլխավոր քարտուղարի հետ

ՀՀ դեսպանը հանդիպել է Քուվեյթի մշակույթի ազգային խորհրդի գլխավոր քարտուղարի 
հետ

ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ։ Քուվեյթում ՀՀ դեսպան Սարմեն Բաղդասարյանը հուլիսի 31-ին հանդիպել է Քուվեյթի Պետության մշակույթի, արվեստի և գրականության ազգային խորհրդի գլխավոր քարտուղարի պաշտոնակատար Քամել ալ Աբդուլ Ջալիլի (Kamel Al Abdul Jalil) հետ:

Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, գլխավոր քարտուղարը, ջերմորեն ողջունելով ՀՀ դեսպանին և մեծապես կարևորելով մշակութային ոլորտում ակտիվ համագործակցության անհրաժեշտությունը, հայտնել է քուվեյթյան կողմի պատրաստակամությունը բոլոր հնարավոր ուղղություններով աջակցելու մշակութային նախաձեռնությունների իրականացմանը։

Դեսպան Բաղդասարյանն անդրադարձել է Ազգային խորհրդի հետ կատարված արդյունավետ աշխատանքին և վստահություն հայտնել, որ մոտ ապագայում հնարավոր կլինի կյանքի կոչել մի շարք համատեղ մշակութային նախաձեռնություններ։ Այդ համատեքստում զրուցակիցները մտքեր են փոխանակել երկուստեք հետաքրքրություն ներկայացնող օրակարգային հարցերի շուրջ: 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ