Բրիտանական խորհրդարանի Համայնքների պալատում թորիների մեծամասնությունը կրճատվել Է մինչեւ մեկ ձայն
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Մեծ Բրիտանիայի խորհրդարանի Համայնքների պալատի լրացուցիչ ընտրություններից հետո Պահպանողական կուսակցությունը կորցրել Է երկու պատգամավոր եւ իր մեծամասնությունը կրճատել մինչեւ մեկ ձայն: Այդ մասին, ինչպես տեղեկացնում Է «Արմենպրես»-ը, օգոստոսի 2-ին հայտնել Է BBC News-ը:
Լիբերալ դեմոկրատները պահպանողականների նկատմամբ հաղթանակ են տարել Ուելսի Բրեքոն եւ Ռադնորշիր ընտրատարածքում: Կորուստը տեղի Է ունեցել պահպանողականներից նոր վարչապետ Բորիս Ջոնսոնի պաշտոնամուտի ֆոնին:
Պահպանողականների գլխավորած կառավարող կոալիցիան ունի 320 մարդ, ընդդիմությունը՝ 319: Ուժերի նման դասավորությամբ Եվրամիությունում Մեծ Բրիտանիային պահելու կողմնակիցներին ավելի դյուրին կլինի պաշտպանել իրենց դիրքորոշումը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում