Կառավարությունում ստեղծվում է Թվայնացման խորհուրդ
16:08, 1 Օգոստոս 2019
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության պետական կառավարման համակարգի և տնտեսության թվայնացումն ու թվային հմտությունների զարգացումը խթանելու նպատակով ստեղծվում է Թվայնացման խորհուրդ: Ինչպես փոխանցում է «Արմենպրես»-ը, այդ մասին որոշումը ստորագրել է փոխվարչապետ Տիգրան Ավինյանը:
Խորհրդի նախագահը Տիգրան Ավինյանն է, կազմում ընդգրկված են նաև վարչապետի աշխատակազմի ղեկավար Էդուարդ Աղաջանյանը,Բարձր տեխնոլոգիական արդյունաբերության նախարար Հակոբ Արշակյանը, Էկոնոմիկայի նախարար Տիգրան Խաչատրյանը և այլ պաշտոնյաներ տարբեր գերատեսչություններից:
Բաժանորդագրվեք մեր ալիքին Telegram-ում