1000х90.jpg (78 KB)

Երևանում՝ 11:07,   28 Մարտ 2024

Հուրգադա-Երևան չվերթի չեղարկման փաստի առթիվ հարուցվել է քրեական գործ խարդախության հատկանիշներով  

Հուրգադա-Երևան չվերթի չեղարկման փաստի առթիվ հարուցվել է քրեական գործ 
խարդախության հատկանիշներով

 

ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Հուլիսի 25-ի Հուրգադա-Երևան չվերթի չեղարկման փաստի առթիվ հարուցվել է քրեական գործ ՀՀ քրեական օրենսգրքի 178-րդ 3-ի մասի 1-ին կետի հատկանիշներով (խարդախություն, որը կատարվել է առանձնապես խոշոր չափերով):

«Արմենպրես»-ի հետ զրույցում այս մասին ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:

 «Նյութերն ուղարկվել են ՀՀ քննչական կոմիտե»,- ասաց Խաչատրյանը:

ՀՀ ոստիկանության կազմակերպված հանցավորության դեմ պայքարի գլխավոր վարչությունում նյութեր էին նախապատրաստվել դեպի Հուրգադա տուրեր կազմակերպող «Էյ ընդ Ար Տուր» հայկական տուրօպերատորի գործունեության վերաբերյալ:

Հուլիսի 25-ին տուրօպերատորի գրասենյակում էին հավաքվել քաղաքացիներ, ովքեր բողոքում էին Հուրգադա-Երևան չվերթի չեղարկման դեմ՝ նշելով, թե երաշխիք չունեն, որ իրենց տոմսերը նույնպես չեն չեղարկվի:

Հուրգադա-Երևան թիվ OTF 3703 չվերթի չեղարկման պատճառով հուլիսի 25-ին մոտ հարյուր ՀՀ քաղաքացի մնացել էր Հուրգադայում: Հուրգադա-Երևան հուլիսի 25-ի OTF 3703 չվերթի չեղարկման պատճառով Հուրգադայում գտնվող ուղևորների երկու խումբ արդեն ժամանել է Հայաստան: Թռիչքների կազմակերպման ծախսերը փոխհատուցում է ՀՀ կառավարությունը: Ըստ որոշ տեղեկությունների՝ չվերթի չեղարկման պատճառն այն է, որ «Էյ ընդ Ար Տուր» հայկական տուրօպերատորը չի վճարել ավիափոխադրողին։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]