Թրամփն օգնություն Է առաջարկել Պուտինին անտառային հրդեհների դեմ պայքարում
09:56, 1 Օգոստոս 2019
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը եւ ԱՄՆ-ի նախագահ Դոնալդ Թրամփը հեռախոսազրույց են անցկացրել ամերիկյան կողմի նախաձեռնությամբ, տեղեկացնում Է «Արմենպրես»-ը:
Ինչպես հայտնել Է Կրեմլի մամուլի ծառայությունը, Թրամփը օգնություն Է առաջարկել Ռուսաստանին Սիբիրում մոլեգնող անտառային հրդեհների դեմ պայքարում: Պուտինը շնորհակալություն Է հայտնել ամերիկացի պաշտոնակցին եւ հավաստիացրել, որ անհրաժեշտության դեպքում Ռուսատանի իշխանությունները կօգտվեն Միացյալ Նահանգրի առաջարկությունից:
Ավելի վաղ Ռուսաստանի նախագահը կարգադրել Է Սիբիրում եւ Հեռավոր Արեւելքում անտառային հրդեհների մարմանը ներգրավել պաշտպանության նախարարությանը:
Հուլիսի 31-ին տեղեկացվել Է, որ Ռուսաստանում անտառային հրդեհների ընդհանուր մակերեսն ավելացել Է մինչեւ 3 միլիոն հեկտար, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում