ԱԽ քարտուղարն անդրադարձավ Հայաստանից արտագաղթի ծավալները կրճատելու խնդրին
13:03, 26 Հուլիս 2019
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Հայաստանի Հանրապետության Անվտանգության խորհրդի քարտուղար Արմեն Գրիգորյանն արտագաղթը համարում է այն սպառնալիքներից մեկը, որը բացասաբար է ազդում Հայաստանի անվտանգության վրա:
«Արմենպրես»-ի փոխանցմամբ` այս մասին Գրիգորյանն ասաց հուլիսի 26-ին հրավիրված մամուլի ասուլիսի ընթացքում:
«Մենք փորձում ենք հասկանալ` որոնք են այն ճանապարհները, որոնցով կկարողանանք լուծել այս հարցը: Այս հարցի լուծումը բազմաշերտ է, և բազմաթիվ քննարկումներ են տեղի ունեցել տարբեր մակարդակներով, թե ինչ կարող ենք անել: Այս առումով քաղաքականություն է մշակվում, որպեսզի կարողանանք այս հարցը կամ լուծել կամ գոնե մինիմումի հասցնել»,- ասաց Գրիգորյանը:
Բաժանորդագրվեք մեր ալիքին Telegram-ում