Հուլիսի 25-ին սպասվող իրադարձությունները
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հուլիսի 25-ին, կկայանա ՀՀ կառավարության հերթական նիստը:
ՀՀ նախագահ Արմեն Սարգսյանն աշխատանքային այցով Ֆրանսիայում է: Փարիզում նախագահ Սարգսյանը հանդիպումներ կունենա ֆրանսիական մի շարք խոշոր ընկերությունների ղեկավարների հետ՝ նպատակ ունենալով քաջալերել նրանց այցելել Հայաստան:
Լրագրողների հետ կհանդիպի Գիտության կոմիտեի նախագահ Սամվել Հարությունյանը: Նա կամփոփի կոմիտեի ընթացիկ տարվա առաջին կիսամյակի աշխատանքները:
Հանրային խորհուրդը կգումարի նիստ. օրակարգում Սևանա լճի հետ կապված հարցերն են, Ստամբուլյան կոնվենցիան, ՀՀ տրանսպորտային ոլորտի հիմնախնդիրները և այլն:
«Քաղաքական երկխոսություն» կազմակերպությունը կազմակերպում է աշխատանքային քննարկում՝ նվիրված Հայաստանի Հանրապետությունում աշխատանքային իրավունքների իրացմանը։
Գրողների միությունում կնշվի արձակագիր, բանաստեղծ Օքրո Օքրոյանի ծննդյան 80-ամյակը:
Հ.Պարոնյանի անվան երաժշտական թատրոնում պրեմիերա է. Հանդիսատեսին կներկայացվի «BOOMԵՐԱՆԳ» մեկ գործողությամբ կատակերգությունը: Պիեսի հեղինակը Արմեն Վարդանյանն է, բեմանկարիչը՝ Գարեգին Եվանգուլյանը:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում