Հուլիսի 24-ին սպասվող իրադարձությունները
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հուլիսի 24-ին, Հայաստանի ԱԳ նախարար Զոհրաբ Մնացականյանը պաշտոնական այց կկատարի Վրաստան: Նախատեսվում են բանակցություններ Վրաստանի ԱԳ նախարարի հետ: Նախարար Մնացականյանը կհանդիպի նաև վրացահայ համայնքի ներկայացուցիչների հետ:
ՀՀ ոստիկանության պետ Վալերի Օսիպյանը հանդես կգա մամուլի ասուլիսով: Նա կներկայացնի ՀՀ ոստիկանության ծառայությունների և տարածքային մարմինների 2019 թվականի առաջին կիսամյակի օպերատիվ-ծառայողական գործունեության արդյունքները:
ՄԱԿ-ի Պարենի և գյուղատնտեսության կազմակերպության կողմից Երևանում կանցկացվի «Տեխնիկական աջակցություն խաղողի տնկանյութի արտադրությանը» ծրագրի աշխատաժողովը:
Էջմիածնում կանցկացվի «Կոռուպցիայի կանխարգելման գործիքակազմի ներդրումը» թեմայով համաժողովը: Ներկա կլինեն ՀՀ արդարադատության փոխնախարար Աննա Վարդապետյանը, հասարակական կազմակերպություններից ներկայացուցիչներ, քաղաքապետեր:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում