Ֆրանսիան և Իռլանդիան հաղթեցին խմբային փուլի վերջին խաղում. Եվրո-2019
23:04, 21 Հուլիս 2019
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Երևանում ընթացող ֆուտբոլի Եվրոպայի մինչև 19 տարեկանների առաջնության B խմբում կայացան վերջին տուրի երկու հանդիպումները:
«Արմենպրես»-ի հաղորդմամբ՝ ֆուտբոլի ակադեմիայում կայացած խաղում որոշվեց երկրորդ ուղեգրի անունը: Իռլանդիան մրցեց Չեխիայի հետ և դրամատիկ խաղում հաղթեց 2:1 հաշվով: Միաժամանակ Ֆրանսիան, որն արդեն իսկ ապահովել էր իր կիսաեզրափակչի տեղը, ուժերն էր չափում Նորվեգիայի հետ: Ֆրանսիացիները հաղթեցին նվազագույն հաշվով:
B խմբից հաջորդ փուլ դուրս եկան Ֆրանսիան, որն հավաքեց 9 միավոր, իսկ երկրորդ տեղում 4 միավորով Իռլանդիան է:
Բաժանորդագրվեք մեր ալիքին Telegram-ում