Հրշեջները մարել են բնակարանում գազի բալոնի արտահոսքից բռնկված հրդեհը
17:54, 21 Հուլիս 2019
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը հուլիսի 21-ին, ժամը 14:19-ին ահազանգ է ստացել, որ Երևան քաղաքի Զորավար Անդրանիկի փողոցի թիվ 10/3 շենքի մուտքի 13-րդ հարկում գազի բալոնից առկա է արտահոսք՝ հրդեհի բռնկմամբ։
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Հրդեհը մեկուսացվել է ժամը 14:44-ին, մարվել՝ 14:55-ին:
Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից, այրվել է 3 կգ-անոց գազի բալոնից արտահոսած գազը. տուժածներ չկան:
Բաժանորդագրվեք մեր ալիքին Telegram-ում