ԱՄՆ բնակիչների կեսը հայտնվել են անոմալ ջերմային գոտում
12:48, 20 Հուլիս 2019
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: Միացյալ Նահանգների բնակիչների մոտ կեսը հայտնվել են անոմալ ջերմային գոտում: Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, այս մասին նախազգուշացրել է արտակարգ իրավիճակների դաշնային գործակալությունը՝ FEMA-ն:
«ԱՄՆ կենտրոնական և արևելյան հատվածներում այժմ 147 մլն մարդ գտնվում է տապի գոտում»,- ասվում է հաղորդագրության մեջ:
Նշենք, որ ԱՄՆ բնակչությունը կազմում է ավելի քան 320 մլն մարդ:
Հուլիսի 20-ին Վաշինգտոնում սպասվում է 38, իսկ Նյու Յորքում՝ 36 աստիճան ջերմություն: Ընդ որում, գիշերները ջերմաստիճանը չի հասցնում նվազել և գալ բալանսի: Իսկ բարձր ջերմաստիճանի հետ մեկտեղ մեծ խոնավությունը վտանգավոր իրավիճակ են ստեղծում բնակիչների համար:
Բաժանորդագրվեք մեր ալիքին Telegram-ում