«Գանձասար-Կապան»-ը հաղթել է ընկերական խաղում
15:15, 19 Հուլիս 2019
ԵՐԵՎԱՆ, 19 ՀՈՒԼԻՍԻ, ԱՐՄԵՆՊՐԵՍ: Կապանի «Գանձասար-Կապան»-ը շարունակում է ուսումնամարզական հավաքը Բուլղարիայում:
«Արմենպրես»-ի հաղորդմամբ` Բուլղարիայում ընթացող ուսումնամարզական հավաքի ընթացքում Կապանի թիմն անցկացրեց թվով 3-րդ ստուգողական հանդիպումը։ Այս անգամ մրցակիցը բուլղարական «Բելասիցա» ակումբն էր։
Առաջին կեսին թիմերը փոխանակեցին երկուական գոլ։ Կապանյան թիմից աչքի ընկան Գևորգ Օհանյանն ու Գեղամ Թումբարյանը։
Երկրորդ կեսին «Գանձասար-Կապանի» ֆուտբոլիստները կարողացան ևս երկու գոլ խփել, դուբլ ձևակերպեց Էմիլ Եղիազարյանը. «Գանձասար-Կապան» - «Բելասիցա»՝ 4-2։
Հաջորդ հանդիպումը «Գանձասար-Կապանը» կանցկացնի հուլիսի 23-ին։ Մրցակիցը կլինի Կիպրոսը ներկայացնող «Օլիմպիակոս» ակումբը։
Բաժանորդագրվեք մեր ալիքին Telegram-ում